{ SKIP }
文:MenClub 波特先生  圖:互聯網
POSTED ON 05 Dec 2018

日前,重量級拳擊世界迎來一場巔峰對決,就係由此前40戰全勝(39KO),並以破壞力驚人聞名嘅Deontay Wilder vs 此前同樣未嘗一敗嘅Tyson Fury。最終雙方經歷12回合嘅死鬥之後,裁判戲劇性判定為打和。

呢場世紀對決,Fury喺此前幾個回合憑住出色嘅步法為Wilder帶黎唔少麻煩,但係Wilder嘅攻擊力始終係太強,Fury亦都有中拳嘅情況,特別係第9及第12回合就曾被Wilder擊中頭部而倒下。

不過,Fury嘅回復力實在令人驚訝,竟然喺面對WIlder嘅重擊下可以喺10秒內企番喺起,甚至連暈都唔暈下,一直戰鬥至最後一刻,令唔少拳迷拍案叫絕。

經過今次對決打和後,二位拳手嘅拳擊生涯終於唔再喺全勝,本來Wilder所簽定嘅合同係輸左可以要求重賽,但如今打和則暫時未知會否真係擇日再戰,但相信一眾拳迷一定好想再睇多一次。

而作為重量級另一巔峰嘅存在,Anthony Joshua亦打破沉默,在Twitter上回應Wilder喺面對Fury嘅賽後表示想與Joshua一戰。Joshua點名盛讚Fury,因為Wilder以為已經KO佢,但事實並唔係咁。Jouhua又話佢已經準備好迎戰佢地是旦一個,只係等待佢地嘅挑戰。

現年29歲嘅Josuha目前戰續為22勝全勝(21KO),並坐擁世界三大重量級金腰帶(WBA、WBO、IBF),而餘下嘅一條WBC金腰帶則喺Wilder手上,因此如果二人進行對決,將極有可能令4條金腰帶史上首次統一。

【真係眼鏡】EVANGELION新世紀福音戰士EVA 聯乘眼鏡 你係唔係新世紀福音戰士的忠實狂迷?如果你好喜歡EVA,介紹一款完成度好高的日本EVA合作眼鏡比你,通過想像EVA初號機器和出現在新世紀福音戰士中的二號機製作 ...
hobby
【真係眼鏡】EVANGELION新世紀福音戰士EVA 聯乘眼鏡
12 Dec 2018
遲到但係比賽又交到功課,你覺得有無問題?
hobby
【有天賦就任性?】迪比利遲到問題使唔使解決?
11 Dec 2018