Netflix出品電影作多年，不過之前一路被人忽視覺得拍唔出咩好作品出來，但今年開始，有錢駛得鬼推磨，Netflix重金之下，必有強者，本年度已推出多部金像級導演執導的電影，其中由墨西哥導演Alfonso Cuarón自編自導的作品《羅馬》一出就贏得本屆威尼斯電影節最佳電影，深得近乎所有影評人的一致好評，一向最佳電影未必是最高票房的電影，但Netflix作為串流平台，打開電腦電視按個制就睇得，完全唔同講法，當電影唔再擔心票房卻有強大資源做到最好，到底世界會被Netflix如何翻轉？12月14日，首次有Netflix和香港百老匯電影中心和PALACE IFC電影院同步上映的電影新作《羅馬》，目標好清晰，電影院上一來吸引真正電影迷二來直接劍指『奧斯卡』獎項。識得睇建議大家入戲院睇………….

老老實實，這套作品得到神級好評我才注意得到，單看預告和演員，我會認為應該只是電影中心的藝術電影，起碼，我們沒有主流電影還以黑白影畫演繹，而且內容是墨西哥的70年代社會和政治的成長，對亞洲人來講陌生卻好像有點啟示性。Roma其實和我們所認知的古羅馬或意大利無關，它是一部墨西哥導演Alfonso Cuarón的成長故事，背景是70年代政治紛擾下的墨西哥，而且主要述事的角度好像是家中的工人姐姐，睇完預告感覺好像唸起自己家中的工人姐姐照顧我的兒子，先不講墨西哥同70年代背景的黑白作品，香港人對工人姐姐的態度就係難請又煩擾，唸起的是瘋狂主子公園鬧爆阿姐的畫面，可能看完此片，對家中的姐姐都會充滿情感，你想全家子女和姐姐共同成長！？我相信香港人大部份都唔會入場買飛睇《羅馬》，不過電影的野不求七百萬觀眾，但求一班知音人，所以電影中心預售的門票反應十分理想，你又以為你想睇就可以買到飛？要撲飛的

Alfonso Cuarón的大名你一定要認識，建議你維基一下，作為奧斯卡常客，精於一鏡到底，今次，Alfonso Cuarón在《羅馬》同時擔任導演、編劇、監製、剪接和攝影指導，而且聽講係最佳導演、最佳原創劇本、最佳攝影和最佳外語片呢幾個奧斯卡提名都被看高一線。比少少月費有呢d野睇,netflix值回月費啦，大家不妨睇睇，到時奧斯卡真正有獎時，你都有話題同人講我在家睇左啦！！

經國外影評人的讚好，我都非常有興趣睇呢部《羅馬》，推薦大家有機會去戲院睇，因為電影以黑白的65mm形式拍攝，而且音效經最先進的Dolby Atmos科技後期製作，雖然黑白片，但絕對值得以最好的聲畫影音器材去播來睇，除非你家玩音響家庭影院勁到一個程度超越一般戲院，否則唔去戲院睇，係房仔用手機或ipad睇Netflix電影《羅馬》其實是一種資源浪費。