《偽戀》係由日本漫畫家古味直志所畫嘅一部校園漫畫，講述日本黑道「集英組」第二代嘅高中生一條樂，雖然暗戀女同學小野寺小咲，但為咗阻止黑幫鬥爭，而同另一個黑幫大小姐桐崎千棘假裝成一對戀人。一直以嚟《週刊少年Jump》都不乏長篇嘅戀愛喜劇作品，而《偽戀》就係當中最長壽嘅作品，連載話數超越《草莓100%》167話嘅紀錄，有成229話。雖然大家都好不滿《偽戀》嘅結局，但《偽戀》真人版電影似乎就畀咗個希望粉絲，希望電影中可以改寫個爛尾，而電影預計12月上映，而家都成10月，係時候要有啲嘢畀觀眾睇下，於是官方最近終於釋出《偽戀》真人版電影預告影片 ！

而早前MenClub都有介紹過，《偽戀》真人版電影將由中島健人以及中條彩未分別飾演一條樂同埋桐崎千棘，另外仲有池間夏海飾演小野寺小咲、岸優太飾演舞子集、島崎遙香飾演橘萬里花，DAIGO飾演克勞德！一齊睇下預告裡面大家嘅表現又如何先！