《男兒當入樽》貴為籃球漫畫神作，相信作為球迷嘅你一定有睇過，而我諗你都一定知道作者井上雄彥係以當時真實嘅NBA球員黎做《入樽》部份角色嘅藍本，就好似主角櫻木花道係依照公牛籃板王Dennis Rodman黎設計，而屈機嘅森重寬就係以「巨無霸」奧尼爾為原型的，仲有主角之一嘅流川楓係以「籃球之神」Michael Jordan為原型的。

不過相隔咁多年，井上老師當時所依照嘅球員都已經退役，咁如果將現役嘅NBA球員套番落呢套神作入面，你又覺得應該係點呢？以下係我波特先生嘅諗法，大家可以再諗下有無更加適合嘅人選。

主要角色：

牧紳一 - LeBron James (擁有超強壯嘅身體，全能，係最強嘅球員之一)

櫻木花道 - JaVale McGee (籃球智商...不過籃板及封阻能力出色，配合出色嘅隊友可以發揮真正實力)

藤真健司 - Stephen Curry (擁有出色嘅控球能力，三分又出色，能夠改變比賽嘅球員)

神宗一郎 - Klay Thompson (定點射手，三分準繩)

澤北榮治 - Kyrie Irving (擁有超強控球能力，轉身突破如入無人之境，高難度上籃輕鬆完成)

安西教練 - Gregg Popovich (最佳教練，白頭髮，懂得善用手上球員)

三井壽 - Paul George (擁有出色嘅三分能力，又受過大傷，防守能力亦都係頂級的)

流川楓 - Donovan Mitchell (遇強越強，又係新人)

宮城良田 - Damian Lillard (總係被遺忘嘅角色...但係能力及作用卻係不容忽視的)

赤木剛憲 - Rudy Gobert (防守能力出眾，係球隊內線核心)

木暮公延 - Eric Gordon (第六人，擁有出色嘅三分球能力)

仙道彰 - Kevin Durant (身高係大前鋒，但係擁有出色嘅控球能力，得分能力同樣係最頂級的)

花形透 - Pau Gasol (技術型中鋒，可以投射三分球)

河田雅史 - Joel Embiid (全能中鋒，基本上所有野都可以做到）

一之倉聰 - Kawhi Leonard (忍耐之男，唔係點出聲，防守能力頂級)

松本稔 - Manu Ginobili (甘於當球隊第六人，但真實能力卻可以足以擔任正選的，可惜岩岩已經退役了...)

高砂一馬 - DeAndre Jordan (需要有出色嘅隊友先有成績嘅中鋒)

魚住純 - Dwight Howard (低位技術粗糙，但都算得上係頂級中鋒)

諸星大 - Chris Paul (頂級司令官，鬥志旺盛)

森重寬 - Boban Marjanovic (聯盟體重最重球員，入樽只需要輕輕一跳就可以完成)