{ SKIP }
文:MenClub 魏文青  
POSTED ON 06 Aug 2018
位於日本岡山縣,有「模型聖地」之稱嘅模型店ERAYA受早前嘅西日本豪雨影響,整間店都被大雨掩沒,亦令店內超過10萬件、總值超過1億Yen嘅珍貴模型全部被水浸壞。所幸店主團迫敬郎先生並無大礙,過去一段日子都忙於清理店鋪中的泥濘和處理被浸爛的模型。

而根據ERAYA官方網站嘅最新消息,目前店內照明系統已經修復,部份玩具亦已「發掘」完畢,目前放哂喺店外曬乾。ERAYA亦會於8月6日至9月每日朝早九點到中午1點開店,將已發掘嘅損毀貨品以一折發售,9月後就會閉店進行維修。雖然話貨品被雨水浸壞,但主要損毀都係紙製嘅包裝盒,內裏嘅貨品或者尚處於不俗的狀態,只係收藏價值大跌,所以或者係尋寶嘅好機會。店主仲好貼心咁提醒大家店內仲係佈滿泥濘,最好著長靴去!如果大家呢排去開附近,不妨去支持一下。

ERAYA
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025