美國著名泳手菲比斯坐擁歷史最多嘅23面奧運金牌，同時保持多項游泳世界紀錄，因此被外界稱為「水神」。而日前一位年僅10歲嘅小將，就成功打破菲比斯保持嘅紀錄，有望成為「新水神」！

喺岩岩舉行嘅美國遠西國際游泳錦標賽入面，一位名叫Clark Kent Apuada成為全場焦點，因為佢喺100米蝶泳入面游出1:09:38奪得冠軍，而呢個時間成功打破「水神」菲比斯喺1995年創下1:10:48嘅紀錄，當時嘅菲比斯同Kent一樣都係10歲左右，但係前者如今足足比菲比斯游快超過1秒。

對於誕生一位「新飛魚」，菲比斯亦都非常關注，並喺網上祝賀呢位小男孩，睇黎菲比斯亦都期待呢位後輩未來可以接下自己嘅衣砵，成為泳壇嘅Number 1。

Big congrats to #clarkkent for smashing that meet record!!! Keep it up dude !!#dreambig

— Michael Phelps (@MichaelPhelps) 2018年8月1日

而除左打破菲比斯紀錄奪冠之外，Kent更喺另外6項賽事入面奪得冠軍，因此佢足足贏得7項冠軍，成為賽事嘅大贏家。而更令人驚訝嘅係，Kent其實4年前先正式開始游泳，但如快佢就成為泳池入面嘅怪物。

不過，其實Kent更令人佩服嘅係，佢除左想喺未來挑戰奧運金牌之外，佢夢想亦都係做一名科學家及武術黑帶選手，相信未來世界可能會誕生一位武術高強嘅游泳奧運金牌嘅科學家啦！