{ SKIP }
文:MenClub 波特先生  圖:互聯網
POSTED ON 26 Jul 2018

國際足協(FIFA)日前公佈2018世界足球先生最後10強球員名單,其中C朗拿度及美斯繼續入選,而世界盃金球獎得主摩迪亦都大熱入選,另外世界盃期間表現驚豔19歲嘅麥巴比亦都成功入選,唯獨令人意外嘅係巴西領軍人物尼馬竟然意外落選,要知道呢位全球最高身價球員去年可是第3名的。

由於今年係世界盃年,所以球員除左球會嘅表現外,世界盃嘅表現亦都非常重要,所以作為今屆世界盃冠軍嘅法國,就有多達3位球員入選最後10強,除左麥巴比之外就仲有球隊核心基沙文及後防核心華拉尼。


而作為統治個人獎項長達10年嘅C朗拿度及美斯,雖然喺世界盃嘅表現並未非常出色,但球會表現仍然係統治級的,所以入選亦絕對合理。其中C朗就更加帶領皇馬連續第3年奪得歐聯冠軍,喺世界盃則轟入4球。美斯雖然再次助巴塞隆拿奪得西甲及西班牙國王盃成為雙冠王,但失落歐聯,再加上佢喺世界盃嘅表現令人失望,所以今年佢大機會再一次失落世界足球先生寶座。

如果計算球會及國家隊表現,最有機會嘅球會應該係皇馬克羅地亞核心摩迪,呢位中場除左助皇馬連續第三年奪得歐聯,佢亦都帶領克羅地亞奪得世界盃亞軍,而佢嘅表現亦令唔少球迷為之動容,而最終佢亦成功獲得世界盃金球獎,所以綜合黎睇佢嘅機會絕對係最大的。

今年世界足球先生由過去最後23人名單一口氣縮減至得10人,球迷、國家隊教練及隊長,以及200名記者將會根據自己嘅喜好進行投票,結果將會喺9月24日FIFA年度頒獎禮上公佈!

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025