《偽戀》真人版電影 12月就有得睇！

文：米　　圖：互聯網
POSTED ON 16 Apr 2018

《偽戀》係由日本漫畫家古味直志所畫嘅一部校園漫畫，講述日本黑道「集英組」第二代嘅高中生一條樂，雖然暗戀女同學小野寺小咲，但為咗阻止黑幫鬥爭，而同另一個黑幫大小姐桐崎千棘假裝成一對戀人。一直以嚟《週刊少年Jump》都不乏長篇嘅戀愛喜劇作品，而《偽戀》就係當中最長壽嘅作品，連載話數超越《草莓100%》167話嘅紀錄，有成229話。

雖然《偽戀》又出本傳，又出外傳，又出動畫，可見人氣有返咁上下，但係唔少人都好不滿《偽戀》結局，所以今次少有地，冇咩網民擔心真人版會毀滅原作，因為大家本身對原作結局都冇咩好感，反而唔少人都希望真人版可以有個新嘅Ending畀大家睇下。

話就話官方已經宣佈《偽戀》真人版電影會喺2018年12月推出，不過暫時都只係知道呢一點消息，其他消息比如選角方面，都未有透露，希望唔好又搵漫改小王子嚟拍咁悶，可以見多啲新面孔啦。