{ SKIP }
文:MenClub 波特先生  圖:互聯網
POSTED ON 10 Apr 2018

岩岩喺上個月擊敗奧蘇利雲表妹,第三度成為女子桌球世界冠軍嘅香港「四眼Cue后」吳安儀,即將喺聽日參戰男子桌球世界錦標賽外圍賽,對手為世界排名第57位嘅Matthew Selt。

由於成功衛冕女子世界冠軍,27歲嘅安儀因此獲得參加男子桌球世界錦標賽外圍賽嘅資格,而呢一次亦都係佢連續第三年獲邀參加呢個賽事嘅外圍賽。不過睇番戰續,之前兩次參戰世錦賽嘅安儀都未能成功突破首圈外圍賽,2016年佢首圈以1︰10不敵Peter Lines,上年則同樣以1:10輸比Nigel Bond,所以雖然作為女子世界冠軍,但安儀要挑戰男子賽真係一啲都唔容易。
而作為安儀嘅對手,33歲嘅Selt絕對唔會掉以輕心,而佢最好嘅成績係打入英國錦標賽8強,對於安儀黎講呢個對手並唔容易應付。如果安儀能夠擊敗Selt,咁佢將會創下自己嘅歷史,但佢仍然需要再挑戰兩位選手,先有機會進入賽事嘅正賽首圈。

無論點都好,安儀已經係香港人嘅驕傲,希望佢一切順利,繼續挑戰自己,尋求擊敗男子職業選手!

 

安儀比賽時間:香港時間4月11日下午5時

【真係眼鏡】EVANGELION新世紀福音戰士EVA 聯乘眼鏡 你係唔係新世紀福音戰士的忠實狂迷?如果你好喜歡EVA,介紹一款完成度好高的日本EVA合作眼鏡比你,通過想像EVA初號機器和出現在新世紀福音戰士中的二號機製作 ...
hobby
【真係眼鏡】EVANGELION新世紀福音戰士EVA 聯乘眼鏡
12 Dec 2018
遲到但係比賽又交到功課,你覺得有無問題?
hobby
【有天賦就任性?】迪比利遲到問題使唔使解決?
11 Dec 2018