《銀魂2》真人版電影煞科 8月17日日本公開上映！

文：米　　圖：互聯網
POSTED ON 09 Apr 2018

上年暑假《銀魂》先出完真人電影版，喺日本創咗38.4億円票房佳績，反應咁好當然要食住個勢，就隔咗半年左右，年頭又話開拍《銀魂2》真人版電影，並由日本導演福田雄負責。點知半年都未夠，《銀魂2》真人版電影經已煞科，仲話8月17日將於日本公開上映，成件事真係快到不得了！

繼續由小栗旬、菅田將暉、橋本環奈主演嘅《銀魂2》真人版電影喺4月6日於Twitter上宣佈煞科，單睇張相，淨係見到坂田銀時同佢把愛刀「洞爺湖，真係唔太知《銀魂2》真人版電影究竟會改編邊章劇情，但唔少網友都估計，好大機會會係拍《性轉篇》！雖然《銀魂2》真人版電影經已拍完，但似乎關於電影內容，都係要等到有第一條預告片出現先知道喇。