憑著無解嘅三分球，Stephen Curry帶領勇士三年內兩度奪得NBA總冠軍，並兩度成為常規賽MVP，因此已經算得上係世界各地唔少球迷嘅偶像，甚至係一眾年青球員嘅學習對象。其中由於大家見到Curry嘅三分球威力勁人，所以都紛紛學習佢射三分，令整個籃球界都將焦點放在三分球身上。對此，NBA及美國籃協已經意識到問題，所以喺近日推出嘅青少年籃球訓練指導手冊入面重點提到，不鼓勵12歲以下青少年投射三分球，而呢個決定Curry本人亦示意支持。