{ SKIP }
文:MenClub 波特先生  圖:互聯網
POSTED ON 14 Mar 2018

全場比賽精華

 

尋晚歐聯16強次回合繼續展開,其中曼聯主場迎戰西維爾嘅比賽成為焦點,而摩連奴繼續排出強陣出擊,但係表現卻強差人意,最終更被批評毫無進攻、毫無活力下,以1:2不敵對手,兩回合計以同樣比分出局。

面對住西甲排名第5嘅西維爾,摩連奴繼續用佢慣用嘅技兩 - 防守反擊,不過今仗就好似缺少左反擊呢一環,進攻埋門威脅少之又少,雖然佢地全場有10次射門,但就只有3次命中。更重要嘅係,佢地竟然被對方撳住嚟攻,雖然上半場捱得住,但下半場卻致命地失球。
74分鐘賓耶達嘅入球令曼聯跌入深淵,因為佢地需要反超2球先可以晉級,但係佢地疲乏嘅進攻明顯難以有作為。其後78分鐘賓耶達再入一球,令比賽接近失去懸念,因為曼聯需要反超3球先得。
當然,你個刻可能會諗起當年歐聯決賽面對拜仁能夠補時連入兩球,但係宜家呢支曼聯又點同當年個支比呢?最終盧卡古喺84分鐘以一記近門窩利追番一球,但為時已晚,曼聯以1:2落敗出局。
全場曼聯控球率雖然比西維爾好,但後者嘅射門多出曼聯8次,中龍更多出一半,摩帥嘅曼聯出局只可以話防守達不到預期,再加上欠缺進攻慾望。另外,後備入替嘅普巴表現亦令人失望,無論攻守都難以令人滿意,睇黎佢黎緊喺曼聯嘅日子都唔會好過。
就係咁,本來16強有5支英超球隊,但係繼熱刺後曼聯亦相繼出局,餘下嘅就只有已經打入8強嘅利物浦及曼城,以及即將對上巴塞嘅車路士了。
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024