{ SKIP }
文:MenClub 波特先生  圖:互聯網
POSTED ON 07 Mar 2018
全場比賽精華

尋晚歐聯16強次回合再次展開,其中焦點一戰當然就係巴黎聖日耳門主場迎戰皇馬啦,不過較為失色嘅係主隊核心尼馬因傷未能上陣,而替代佢嘅正正就係皇馬舊將迪馬利亞。皇馬方面,巴利先被列作後備,反而年輕嘅阿辛斯奧則正選上陣。

既然尼馬上唔到陣,巴利又列作後備,所以今仗最大嘅焦點就落喺C朗拿度身上,這位皇馬射手雖然開季初段陷入低潮,但佢喺歐聯卻依然係個位「遇神殺神、遇佛殺佛」嘅歐聯最強射手,今季場場歐聯有波入,而今仗面對聖日耳門亦都再次破網,並且係首先打破僵局個一位,連帶呢個入球,C朗今季喺歐聯已經攻入12球,被第2位嘅球員已經多出5球。
面對住聖日耳門,雖然皇馬喺控球率只有49%稍稍不及對方,但佢地嘅射門次數卻達到16次,命中龍門亦達到6次,完全將聖日耳門嘅4次射門2次命中完全比下去。面對皇馬強大嘅攻力,聖日耳門根本只能夠進行防守。
而就喺比賽51分鐘,C朗拿度就憑住勁爆嘅頭搥率先破網,呢一球對於皇馬黎講非常重要,因為呢個入球係作客入球,所以聖日耳門要想追平起碼要入3球,但係個個時候時間已經唔多了。
其後雖然卡雲尼喺71分鐘追番一球,球隊以為仲有一線希望,但係喺80分鐘皇馬卻再憑卡斯米路再入一球,直接將比賽鎖死。最終,皇馬兩回合計以5:2淘汰聖日耳門,令後者今夏狂燒四億歐元後再次喺歐聯16強止步。
能夠順利淘汰聖日耳門,C朗絕對係最大功臣,佢嘅第一個入球完全穩住皇馬球員嘅心,而佢喺歐聯特強嘅狀態亦令皇馬再次變成不能被擊敗嘅球隊。如果皇馬今季要想再次衝冕冠軍,咁C朗就絕對係不可或缺最重要的一人。
美斯成功征服皮利斯個心!
hobby
皮利斯:「我曾與施丹及亨利做隊友,但美斯係與別不同的。」 ...
14 Dec 2018
【美國國寶電影】斷背山、侏羅紀公園,仙履奇緣等25部電影納入2018國會圖書館永久保護 係美國,每年國家電影保護局(National Film Preservation Board)都會更新國家級歷史保護電影,係國會圖書館裡作永久保護 ...
hobby
【美國國寶電影】斷背山、侏羅紀公園,仙履奇緣等25部電影納入2018國會圖書館永久保護 ...
14 Dec 2018