去年夏天，巴黎聖日耳門以天價2.2億歐元將巴西前鋒尼馬從巴塞隆拿簽走，其後佢地又以先借後買嘅形式以1.8億歐元從競爭對手摩納哥得到當時只有18歲嘅妖人麥巴比，加上原來嘅卡雲尼，從而組成一個極度奢華嘅進攻三叉戟。而三位頂級射手開季後確實帶黎震撼嘅入球數字，而聖日耳門喺法甲亦憑住強大嘅攻力接近無敵手，不過如今卻有傳呢個套三叉戟好可能會解散。