【頂上之戰2？】Wilder叫戰兩年，Joshua唔敢認戰？

文：MenClub 波特先生　　圖：互聯網
POSTED ON 23 Feb 2018


今年3月，兩位目前戰績都係全勝嘅重量級拳王Anthony Joshua及Joseph Parker將會進行一場頂上之戰，屆時將會分出勝負，有一位將會失去全勝拳王嘅稱號，因此賽事備受關注。

而除左以上提到嘅兩位重量級全勝拳王之外，呢個級別入面仲有一位全勝拳王，佢就係戰績比Joshua及Parker更好(39戰全勝)嘅Deontay Wilder。

對於Joshua同Parker一戰，Wilder近日表示其實佢曾向Joshua叫戰達兩年，但對方卻一直未有應戰，對此Wilder認為Joshua係怕左佢，所以一直逃避。

不過對於Wilder嘅說法，Joshua嘅代言人卻唔認同，佢表示拒絕同Wilder打係因為對方要求嘅分成太過份，所以雙方未能達成共識而戰。

Wilder亦揚言，最頂上嘅決戰係佢同Joshua，而佢一直期待著呢場決鬥嘅到來。除左想同Joshua打之外，Wilder其實最想就係奪得所有金腰帶，一統拳擊重量級所有世界拳王寶座。

雖然所有拳迷都一定期待住Wilder大戰Joshua，但係呢場頂上之戰可能唔會喺短期內發生，因為當Joshua同Parker完成大戰後，下一戰嘅對手佢地已經擬定為Jarrell Miller，呢位29歲嘅拳手目前戰續為21戰20勝1和，亦都係一位非常具實力嘅對手。