【冬季奧運】北韓啦啦隊竟有一人跳錯，金仔點處置？！

文：MenClub 波特先生　　圖：互聯網
POSTED ON 13 Feb 2018


今年喺南韓平昌舉行嘅冬季奧運會可以話係歷史性嘅一屆，因為作為世界神秘國度之一嘅北韓亦都有派出運動員參賽，其中更包括同南韓聯組南北韓聯隊參加冰球賽事。而除左運動員之外，北韓領導人「金仔」金正恩亦都派遺左超過100人嘅啦啦隊打氣團去平昌為自己嘅運動員打氣，可謂聲勢浩大！

而北韓呢班啦啦隊成員，日前就喺一個比賽場館入面為自己國家嘅運動員打氣，可以睇到佢地嘅打氣真係非常之齊，明顯係練習過無數個夜晚。

不過，就喺非常整齊嘅打氣之中，卻有一人成為焦點，因為佢其中一個動作竟然做錯左方向！雖然之後佢好快就知自己錯左方向並跟番大隊，但係犯錯嘅一刻已經被拍低，相信「金仔」一定會睇到。

對於呢次犯錯，喺其他國家黎睇可能唔係咩大事，但係對於「金仔」黎講可能就係嚴重嘅過失，呢位啦啦隊成員隨時番到去北韓就會被重罰，真係祝佢好運。