【又番黎？！】Mayweather考慮復出進行生涯第51戰！

文：MenClub 波特先生　　圖：互聯網
POSTED ON 28 Nov 2017

今年8月，Mayweather同McGregor進行完「世紀之戰」取得50連勝後就宣佈正式退役。但係最新嘅消息指，呢位「不敗拳王」有意再次復出，進行生涯第51戰。

現年40歲嘅Mayweather，喺擊敗McGregor後便第二次宣佈退役，並強調呢一次係真真正正嘅退役。不過，退役後嘅Mayweather繼續保持自己擁有良好嘅身體狀態，如今亦再次有消息傳出指佢正喺度尋找緊最新一位對手。

有媒體就認為，Mayweather將會喺2018年再次復出重返拳擊運動當中，另外亦有指Mayweather自己一直講比身邊嘅人知佢正在考慮進行生涯第51戰，而佢亦喺訓練場館入面瘋狂練習，明顯佢就係準備隨時可以再戰。

對於Mayweather黎講，復出都係不外乎錢，有專家認為呢位「不敗拳王」好難拒絕3億美元嘅報酬，當搵到合適嘅對手，相信佢必定會再次踏上擂台尋求第51勝。