當Emoji、憤怒鳥都可以拍成動畫喺大銀幕上映，你就知道有幾多觀眾鍾意睇動晝電影。但奇怪嘅係，好多比起上述兩個單位不論題材、人氣都更加適合動畫電影化嘅作品，就一直都未見有計劃。不過「老任」就即將打破呢個局面，因為佢哋會將旗下經典遊戲《Super Mario Bros.》帶上大銀幕！
事實上今次唔係《Mario》第一次被改篇成電影，喺1993年時已經有一套極度、極度出名嘅真人版改篇，而佢出名嘅原因就係難睇！所以老任今次學精咗，唔拍真人版，而係夥拍《壞蛋掌門人》製作公司Illumination Entertainment製作動畫電影。據《Wall Street Journal》報導，Illumination同任天堂已經為此事討論咗成年，而任天堂今次亦大量參與創作過程，更有指「Mario之父」宮本茂會成為電影嘅監製。
