{ SKIP }
文:MenClub 波特先生  圖:互聯網
POSTED ON 03 Nov 2017

較早前岩岩先分享完一位球員極速被兩黃一紅趕出場,估唔到尋晚歐霸盃馬賽與甘馬雷斯又有一位球員有類似嘅情況,而佢更加係未開波就已經被逐,呢位球員仲要大家都好熟悉嘅前曼聯左閘艾夫拿。

現年36歲效力馬賽嘅艾夫拿,喺尋晚嘅歐霸盃上先被列作後備,而就喺賽前熱身期間,呢位左閘卻與企喺龍門廣告板後面嘅球迷發生對罵,其後越演越烈艾夫拿更一度「火遮眼」用腳踢向球迷頭部,最終睇見一切嘅球證當然直接出示紅牌將艾夫拿驅逐離場。

由於呢張紅牌係比賽前發生,而艾夫拿又係後備,所以球隊正選陣容並未受影響,只係後備由7個變得到番6個人,而最終馬賽以0:1不敵對手落敗。

有消息指,今次與艾夫拿起爭執嘅球迷係馬賽方面嘅球迷,暫時仍然未知雙方因為咩事而動口繼而動武,但能夠令艾夫拿火氣嘅應該都唔會係啲咩好聽說話。不過作為職業球員,呢個起腳踢人嘅行為理論上係絕對唔可以出現的,預計國際足協將必定會對其行為作出處分,好大機會會長時間停賽。
而今次艾夫拿呢一踢,唔少人都即刻拎黎同前曼聯隊長簡東拿個一下「腳夫腳」作對比,而「簡大帝」呢一腳最終換黎9個月嘅停賽,唔知艾夫拿今次又會停幾耐呢?
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025