「泥地王」拿度第四度成為ATP年終世界第一

文：MenClub 波特先生　　圖：互聯網
POSTED ON 03 Nov 2017

2017年網球場上可以話刮起一陣老將風，因為「泥地王」拿度及「瑞士天王」費達拿重拾佳態，各自斬獲兩個大滿貫錦標，並獲坐世界排名第一及第二位。而喺奪得巴素利室內網球賽冠軍後，費達拿宣佈唔會參加巴黎大師賽，而只要拿度贏下一場比賽，佢就可以鎖定ATP年終第一。

而就喺巴黎大師賽展開後，拿度成功首戰即擊敗南韓新秀鄭泫，晉身賽事16強，而呢一場勝利亦正式令拿度鎖定今年的年終第一寶座。

對於成為年終第一，拿度絕對唔陌生，因為今次係佢個職網球生涯第四度登上呢個寶座，此前佢分別係2008年、2010年及2013年成為年終第一。回想起拿度首次成為年終世界第一已經係9年前嘅事，雖然佢係呢幾年期間多次受到傷患困擾，但佢都成功克服並再次從後趕上成為世界第一，實在令人佩服。

而拿度今次第四次成為年終第一，令佢成為首位喺非連續年份四次鎖定年終第一嘅球手。而4次奪得年終第一，亦令佢越黎越接近費達拿，「瑞士天王」生涯一共5次登上年終第一寶座，其中2004-2007年更加是連續4年加冕。