【男人最痛】「月巴」花3萬鎊植髮仍然得個吉

文：MenClub 波特先生　　圖：互聯網
POSTED ON 01 Nov 2017

前曼聯隊友朗尼今年夏天離開奧脫福，重返母會愛華頓繼續自己嘅職業生涯。回歸愛華頓後，朗尼好似獲得重生咁，除左可以穩定上陣之外，佢仲成功找回入球嘅感覺，目前一共為球隊攻入5球。球場上嘅表現朗尼好似有復甦嘅跡象，不過呢位前鋒有一個地方卻好似用盡咩辦法都難以復甦，講緊嘅就係佢寶貴嘅頭髮。

現年32歲嘅朗尼，很早已經飽受甩頭髮嘅煩惱，頭髮日漸稀疏，因此佢喺效力曼聯期間曾花上3萬鎊去植髮，因此你可以睇到有一段時間佢嘅頭髮好似煥然一新咁非常濃密。

不過，似乎壓力再一次影響住朗尼，近期佢再次出現嚴重甩頭髮情況，雖然你可能睇比賽時見到佢頭頂都好似有好多頭髮，但實際上佢只係用左頭髮增稠劑黎掩蓋，佢真實嘅情況係頭頂嘅頭髮已經接近無部失去了，可能好快就會好似施丹當年咁「地中海」。


對於唔少人黎睇，外國人就算光頭亦都好似無咩問題，甚至仲會覺得幾型，不過其實朗尼都所有男人一樣，知道無頭髮係「男人最痛」，所以佢都唔想放棄佢嘅頭髮。不過如果情況再無任何改善，朗尼可能真係要接受未來剃光頭嘅一刻。