【好難唔質疑】盧卡古年輕時身型遠超同齡球員！

文：MenClub 波特先生　　圖：互聯網
POSTED ON 26 Oct 2017

今年夏天，比利時前鋒盧卡古以7500萬鎊(外加其他浮動條款)加盟紅魔鬼曼聯，憑住出色嘅身型及速度，呢位「新魔獸」已經為球隊喺今季各項賽事攻入10球，係球隊嘅首席射手，而曼聯係佢嘅協助下目前9戰錄得6勝2和1負，排名聯賽第2位，落後第1位目前處於不敗嘅曼城5分。

盧卡古現時身高1.9米，身型健碩，係非常適合踢英超賽事嘅球員體格，而佢呢個體格其實喺年輕時已經完全體現出黎，甚至被質疑佢虛報年齡。

睇下以下呢張喺2006年影嘅相，張相入面圈住個個就係盧卡古，當時嘅佢只有13歲，但係可以睇到佢嘅身高已經被隊友們最少高出半個頭。

再睇下呢張相，作為年齡接近嘅球員，盧卡古嘅身型明顯比對方高出成個頭，就好似一個大人要恰一位小朋友。對於呢個情況，對方球隊總係對盧卡古嘅年齡作出質疑，認為佢虛報年齡，以咁嘅身型無可能同佢地個仔一樣咁大。

對於個仔被質疑，每次比賽盧卡古嘅媽媽都會隨身帶備兒子嘅出生證明，以證明佢真係屬於呢個年齡組別。確實以盧卡古當時咁嘅身型，真係足以對抗同齡所有對手，甚至打以話完爆所有對手。有數據可以證明當時作為青訓球員嘅盧卡古究竟有幾咁無敵，佢喺2004-06年效力皇家利亞斯體育會期間，一共參加68場比賽攻入121球，其後轉投安德烈治後參加93場比賽攻入131球。