【獨有！】北韓籃球規例：最後三秒入球得8分, etc….

文：MenClub 波特先生　　圖：互聯網
POSTED ON 25 Oct 2017

近日，NBA新球季已經開打，各位籃球迷餓左咁耐波終於可以每日睇好波啦，大家又可以睇到「浪花兄弟」嘅三分雨、LeBron James嘅大力入樽等等。不過，呢一切對於北韓呢個國家並唔存在，因為佢地擁有自己獲特嘅籃球規則。

透過曾經進入北韓嘅媒體，我地成功得知究竟北韓嘅籃球同大家所認知嘅究竟有咩分別，以下就係北韓籃球嘅計分方法：
1、入樽可得3分 2、三分球穿針可得4分 3、比賽最後3秒的入球可得8分 4、投失罰球減1分

睇完北韓以上嘅計分方法，相信扣將同三分射手一定最開心，好似Blake Griffin、Aaron Gordon等嘅入樽能手，將更多的喺比賽入面入樽，喺極高命中率嘅情況下換黎3分，實在係非常划算。而好似Stephen Curry、Klay Thompson、James Harden等嘅三分高手，將盡可能的投出三分球，以佢地嘅實力投中穿針應該無咩難度，咁樣佢地嘅得分將會進一步增加。

而第三項得分規則可以話係最屈機，如果好似Kobe Bryant、Michael Jordan等專門射壓哨球嘅大心臟球員，佢地嘅球隊則使大比分落後，但憑住佢地仍然有機會喺比賽最後3秒完成得分，並一口氣獲得8分從而完成逆轉。

而最後一項投失罰球減1分，對於唔少中鋒黎講可以話係惡夢一樣嘅規則，因為好似DeAndre Jordan、Dwight Howard、Joakim Noah等中鋒罰球命中率極低，佢地將會嚴重拖累球隊，對方必定更多使用「砍殺戰術」，以換取佢地投失罰球黎減分。

睇完上面嘅規則，大家又認為邊位NBA球員最應該轉投北韓參加籃球比賽呢？