{ SKIP }
文:MenClub 波特先生  圖:互聯網
POSTED ON 04 Oct 2017

皇馬過去兩季喺領隊施丹嘅帶領下,連續兩年奪得歐聯冠軍,而喺西甲又成功打破巴塞嘅壟斷奪得聯賽冠軍,成績有目共睹。不過今季開季至今,皇馬表現明顯有唔少下降,目前喺聯賽佢地7戰只係錄得4勝2和1負僅得14分,排名聯賽第5位,落後7戰全勝嘅巴塞多達7分。另外,7場比賽只係攻入13球,攻力喺西甲亦都只係排名第5,相比巴塞已經攻入23球,雙方足足相差左10球。

對於呢個情況,施丹亦都深明唔可以單靠C朗拿度一人,再加上巴利亦受傷患困擾,賓施馬入球能力亦令人懷疑,所以收購一名可靠嘅前鋒將會喺最合適嘅做法。而最新嘅消息指,皇馬有意熱刺前鋒哈利卡尼,但預計熱刺方面將不會接受低於2億歐元嘅報價。
有消息指,其實皇馬主席佩雷斯一直都想收購一名頂級前鋒的,但由於賓施馬配上C朗拿度,再加上施丹嘅帶領下取得巨大成功,因此皇馬一直未有任何驚人收購。不過如今賓施馬陷入掙紮表現低迷,佩雷斯再次燃起想收購一名頂級前鋒的想法,而現時能夠收購的選擇沒有人比卡尼更好。
現年24歲嘅卡尼,今季目前為止一共為熱刺攻入11個之入球,其中英超攻入6球,歐聯則攻入5球。雖然目前喺英超射手榜中,卡尼正落後曼聯前鋒盧卡古1球,但以他的狀態他很有機會連續第3年獲得英超金靴獎。
雖然喺熱刺卡尼仍然獲得唔少喺歐洲賽表現自己嘅機會,但如果佢轉投皇馬,佢將正式步入世界頂級球星之列,佢嘅職業生涯將可以進入前所未有嘅高度。不過,熱刺方面並唔想失去佢地最出色嘅球員,而佢地亦以尼馬作為指標,如果真係要出售卡尼嘅話,價錢將唔可以少過2億歐元。
而媒體預計,卡尼將會成為英格蘭下一任嘅隊長,佢嘅個人成就將會繼續咁增加。如果皇馬宜家唔出手,佢嘅價值將只會進一步增加,屆時隨時打破尼馬嘅轉會費紀錄都唔定。
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025