{ SKIP }
文:MenClub 魏文青  
POSTED ON 26 Sep 2017
揀電單車頭盔,好多時都要作出取捨——輕便嘅保護性未必夠強,保護性夠強嘅你可能又嫌佢太大太重。就算只談功能,你都未必搵到一個啱哂你心水嘅頭盔。不過黎緊會於Kickstarter開始集資嘅呢個CrossHelmet,就有可能完全改變你嘅騎車體驗。 


先講外觀,正面睇CrossHelmet你會留意到佢有比一般全包型頭盔更大嘅擋風鏡,睇落有啲似Elon Musk早前公佈,Space X嘅新型太空衣頭盔咁,不過就變咗黑色;而由側邊睇你就會留意到後腦部份比較大舊。兩樣設計其實都同CrossHelmet最大嘅特點有關,就係360度視線。據CrossHelmet所講,加大嘅擋風鏡可以喺唔需要擰頭嘅情況下,確保駕駛者有正面190度嘅視野,而後面嗰170度,就由裝喺後腦嘅攝影機負責,再將畫面傳送去正面嘅抬頭顯示屏,簡單啲黎講就即係你多咗塊電子倒後鏡,令駕駛更為安全同輕鬆。


CrossHelmet同時亦係一個智能頭盔,只要你配合埋專用APP,就可以導航、降噪(路噪、風噪等等),甚至仲有Group Chat。除此之外仲可以播歌、顯示天氣,頭盔兩側亦有安全燈,睇落就係一個好全面嘅頭盔啦。


售價方面目前未公佈,要等到9月13日發佈會之後先會於Kickstarter上公佈。如果大家有興趣就可以留意官網啦。
crosshelmet
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025