今年夏天，足球轉會市場可以講係陷入瘋狂嘅程度，球員嘅轉會費上升至令人咋舌嘅高度，其中法甲豪門巴黎聖日耳門以2.2億歐元觸發巴塞射手尼馬嘅買斷合同條款，而英超豪門曼城則已經喺轉會市場入面投入左2.18億鎊，係英超球隊之冠。而各大聯賽入面，英超亦都係最瘋狂嘅聯賽，20支球隊合計已經喺轉會市場投入左10億鎊。