如果要數今年夏天邊支球隊增兵最誇張嘅，相信一定係意甲傳統豪門AC米蘭，呢支曾經稱霸歐洲，但近年因財困戰績倒退嘅球隊，今年5月獲得中國財團入主，令球隊獲得大量資金湧入，目前已經豪花超過1.5億歐元收購左10位球員，成為歐洲今夏洗錢最多嘅球隊。不過，米蘭並無因此而諗住收手，最新嘅消息指佢地已經非常接近簽下多蒙特射手奧巴美揚，而要知道呢位加蓬射手嘅轉會費一啲都唔低呢，所以最終米蘭今夏隨時投入超過2億歐元嘅轉會費。