仲記唔記得之前MenClub同大家講過，日本郵局繼2006年日本郵局第一次推出「孖寶兄弟20週年紀念郵票」後，相隔11年，終於再次發行Mario郵票？估唔到另一彈紀念郵票話咁快又再推出，今次嘅主題一樣係大家嘅童年回憶～登登登凳！就係超經典嘅《亂馬1/2》！

《亂馬1/2》係高橋留美子嘅漫畫代表作之一，講述主角早乙女亂馬係一名習武少年，有次去到中國青海省咒泉鄉（虛構地點）修行，唔小心跌入「女溺泉」，之後就變成掂到凍水會變成女仔、遇到熱水會恢復變返男仔嘅體質，之後亂馬就一邊提高自己嘅武術水平，一邊搵方法解除變身困擾，而作出種種奮鬥。