【經典】「戰神」Allen Iverson傳奇球鞋再次全球限量發售！

文：MenClub Mr.波特　　圖：互聯網
POSTED ON 27 Jun 2017


雖然從來未奪得過NBA總冠軍，但係「戰神」Allen Iverson係一個時代嘅代表，佢嘅個人形象鮮明，又以矮個子身份4次奪得NBA得分王，所以係唔少球迷心目中嘅超級偶像。

而近排Iverson又喺美國出戰BIG 3三人籃球聯賽，所以呢位已經退役嘅傳奇再次回歸球迷嘅視線當中，對於球迷黎講絕對係福音。

對於「戰神」嘅組典球鞋，唔知你又熟唔熟呢？呢對「Reebok Andwer IV Stepover」係咪一睇就似曾相識呢？無錯佢就係2001年Iverson曾經穿起過參加佢生涯唯一一次總決賽嘅球鞋，而有一個moment大家一定會記得嘅，就係佢係當年總決賽第一戰面對現時騎士主教練Tyronn Lue，以Crossover令對方倒在地上，其後Iverson喺佢嘅面前完成得分後再喺佢身上誇過，而Iverson著嘅就係呢對「Reebok Andwer IV Stepover」。

今次Reebok就再次喺世界各地推出呢對「Reebok Answer IV Stepover」，並用上經典嘅黑白配色作為球隊鞋嘅主色，然後鞋盒上面印有「I3」同埋Iverson嘅簽名。另外，球鞋所有細節都保持當年設計，以皮革外型搭配拉鍊式設計，同時DMX蜂巢氣墊技術上加以改良，提高牽引力，全球限量發售架，對於有興趣嘅球迷黎講絕對係非常值得收藏！

「Answer IV Stepover」將於6月28日發售建議零售價$999