長傳急攻可能唔少人都覺得踢法陳舊，現代足球可能更多講求組織，但係亦無可否認長傳係有佢嘅用處，而如果你球隊陣中有一位出色嘅長傳高手，有時候反而可以減少多餘嘅傳球，直接為球隊帶黎攻門嘅機會。

1、碧咸

碧咸嘅長傳出色應該唔使多講，佢交出嘅長傳弧線總係非常誇張，而佢嘅傳球準絕度亦極高，球總係可以岩岩好傳至前鋒的腳上或頭上，令佢地可以輕鬆得分。

2、沙比阿朗素

阿朗素嘅長傳同樣出色，不過佢唔同碧咸，長傳多數只係直線居多，但係力度及準絕度都極高，令防守球員難以阻止。

3、派路

喺場上總係輕描淡寫嘅派路，總係可以突然轉向就交出致命嘅長傳，而最緊要嘅係佢左右腳都可以交出精準嘅長傳，所以佢嘅前鋒隊友總係獲得無數攻門嘅機會。

4、史高斯

史高斯可算得上係長傳嘅超級達人，佢嘅長傳力發千鈞速度驚人，但準絕度卻一啲都無因力量而減少，佢嘅長傳都係直線類型，但基本上都已經算得上係長傳入面嘅藝術級別。

5、謝拉特

謝拉特擁有出色嘅腳力，所以交出嘅長傳都係力度十足，而同時即使係長距離嘅傳球亦完全難佢唔到。

6、列基美

列基美創造力十足，同派路嘅踢波有唔少相似地方，而佢嘅長傳同樣出色，總會為隊友帶黎得益。