「12碼一係入一係唔入」呢句金句相信唔少球迷都應該聽過，而大部份人都認為12碼絕對係比賽入面最容易入球嘅方法，因為球員只係單純面對門將一人，而距離就更只係12碼，所以一般人都認為要射入應該唔難。

1、巴洛迪利

「巴神」可講得上係近年最強嘅12碼劊子手，唔係話佢100％入梗，但係佢對於射12碼個種自信，認為自己就好似「郵差」派信一樣，射入12碼係必然嘅事。

2、羅渣尼奧

足球史上入球最多嘅門將，佢係聖保羅主要嘅罰球手，同時亦係球隊嘅12碼劊子手，生涯一共射入67球12碼。可能由於做開門將，所以特別知道門將最難撲救嘅位置，從而可以射入唔少12碼。

3、派路

作為最強嘅罰球手之一，派路嘅12碼亦都係非常出色，冷靜嘅佢就算係重要關頭竟然可以選擇用Chip射，呢個絕對唔係輕易可以做出嘅決定。

4、施丹

施丹作為法國球王，心理質素當然有番咁上下，佢同派路都一樣，可以喺重要關頭選擇用Chip射黎處理12碼，呢樣絕對係主射12碼嘅劊子手必備嘅質素。

5、舒利亞

作為英超最偉大嘅射手，舒利亞嘅射門能力絕對無容置疑，而佢主射嘅12碼亦可以比到人好大嘅信心。

6、托迪

羅馬王子托迪同樣具有極高嘅心理質素，喺處理12碼嘅時候可以非常冷靜，無論喺Chip射定係擺角都難佢唔到。

7、波歷克

波歷克相對以上嘅球員可能無咁好技術，但係佢就擁有強勁嘅腳頭，就算你知道佢射邊面，你都未必可以擋得出佢勁射嘅12碼。

8、伊巴謙莫域