【傳奇落幕】羅馬官方宣佈，王子托迪今季結束後將正式掛靴 ... ... ... ...

POSTED ON 04 May 2017

TEXT: Potter

相信有睇開波嘅你，應該唔會對「羅馬王子」托迪感到陌生，而呢位現年40歲嘅老將目前仍然在羅馬效力。不過好快呢位球壇「長青樹」亦會退落黎啦，今日羅馬便宣佈效力球隊第25個球季嘅王子托迪將會在今個球季結束後正式掛靴。

羅馬今日對外宣佈，托迪將會喺今季最後一場比賽（亦即是香港時間5月28日羅馬vs熱拿亞）完成後正式掛靴，結束球員生涯。

托迪是羅馬以至意甲嘅傳奇級球員，佢喺1989年加入羅馬青訓，其後喺1991年正式進入羅馬一隊陣容，自此佢就一直效力「首都狼」至今，而佢目前一共為球隊上陣了616場意甲比賽，而加上不同盃賽嘅話，佢嘅上陣場次更達到783場。783場都只喺托迪喺球會層面嘅比賽場次，他喺意大利國家隊亦曾上陣過58場，因此佢整個職業生涯一共上陣了841場比賽。雖然不論喺球會還是國家隊的上陣場次都不及另一意大利傳奇門將保方，但要知道托迪喺同一支球隊效力超過600場比賽，這要比保方超出了100場以上，更難得的是托迪是一名中前場球員，相比門將位置喺更需要體力及速度。

作為球隊嘅靈魂，托迪擁有非常出色嘅入球能力同埋傳球視野，佢喺羅馬上陣783場賽事合共攻入307球，而喺國家隊則攻入9球。拿拿拿...唔好以為宜家效力羅馬嘅托迪係度頤享天年，雖然佢已經唔再係球隊嘅正選，但佢今季仍然有為球隊上陣25場比賽，其中喺意甲上陣15場攻入2球，又喺意大利盃上陣4場攻入1球，可見佢嘅入球能力仍然喺度。

作為傳奇，托迪整個職職生涯獲獎無數，其中他一共為羅馬帶來1次意甲冠軍、2次意大利盃冠軍、2次意大利超級盃冠軍，並喺2006年帶領意大利奪得了世界盃冠軍。

雖然黎緊就會退役，唔再喺球場上為球迷帶黎精彩嘅時刻，但係作為球隊旗幟的托迪並唔會離開羅馬，佢將會由球員轉職為球隊經理，負責管理球會大小事務，所以相信羅馬喺未來都會繼續有住「王子」嘅精神。

數數下，羅馬今季就只係餘下4場比賽，但喺由於球隊需要守住聯賽第2的位置，所以佢地絕對唔會麻木換入托迪，咁樣隨時托迪生涯餘下嘅比賽就連4場都無，球迷們真係要好好珍惜啦！！
托迪生涯精彩鏡頭
托迪生涯10十大精彩入球