{ SKIP }
文:MenClub 魏文青  
POSTED ON 24 Apr 2017
作為一個鍾意兩手揈揈嘅男人,依家呢啲天氣就最令人討厭,想落雨又落唔出咁,帶咗遮佢又落唔出姐手姐腳咁你話幾唔瀟洒呢?帶遮唔瀟酒,但可以型!拎住把劍咁夠型冇?


日本「一番賞」出咗個新系列叫「ゼルダの伝説 ハイラルライフスタイル(薩爾達傳說 海拉爾的Lifestyle)」系列,其中B賞就係一把以作品中出現過嘅神劍「Master Sword」……樣嘅縮骨遮!打開咗之後直徑有90cm,一個人都夠用——放心,你拎呢把嘢出街都應該冇人會同你一齊行,冇人會同你Share把遮架啦!


如果你嫌佢戰鬥力唔夠,同一個系列嘅A賞就係盾牌背包,35cm高就唔係裝到好多嘢,但佢最主要嘅功能就係裝返B賞把劍(遮),仲啱啱好突返個劍(柄)出黎,一Set咁帶出街真係遇神殺神、遇佛殺佛呀!


呢個系列由5月20日就會喺日本發售,同之前嘅一番賞一樣都係要抽(620Yen一次),就算抽唔中A、B賞,都仲有C、D、E、F、G賞等緊你!總之就一定唔會空手而回啦!

一番くじ
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025