想減肥或想健康啲嘅你，大部份都會為自己設定一個計劃，盡可能食最健康、最無脂肪嘅餐單，甚至唔食野。咁樣可能真係會帶黎你想要嘅效果，但期間你可能會感到肚餓難耐，又或非常痛苦。

其實設定計劃去跟從係非常正確嘅做法，但如果設定嘅目標太唔現實，或難以持續進行的話，咁就係問題了。

如果計劃令你長期處於飢餓嘅狀態，咁樣結果可能只會換來你偷偷地去食垃圾食物。所以有人就計劃出一個較為可行嘅法則 - 80/20法則，講緊嘅就係你生活中要選擇80％健康嘅食物，而另外嘅20％則可以吃你覺得快樂嘅食物，執行呢個法則將可以令你獲得意想不到嘅結果。

當然，如果你可以喺選擇令你快嘅20％食物當中，吃上更為健康嘅油、芝士、豆類等等，咁樣你所獲得嘅結果將會更加好。另外，要確保你每日可以吸收足夠嘅蛋白質，因為足夠嘅蛋白質可以將可有助你提升減重速度。

除左食之外，有專家亦都提議進行高強度嘅運動，例如HIIT等嘅短時間劇烈運動，因為呢類型嘅運動比長時間低強度嘅有氧運動(e.g.慢跑)有更好嘅效率及成果，身體內嘅脂肪可以更好地燃燒。