{ SKIP }
文:MenClub 波特先生  圖:互聯網
POSTED ON 20 Nov 2020

香港疫情有再次上升趨勢,第四波似乎已經爆發,咁睇黎大家想放假鬆一鬆去旅行嘅呢個夢想,真係唔知幾時先可以實現啦....其中日本相信必定係唔少人最想再去嘅地方,而當中熱辣辣嘅拉麵諗起都想再想。

咁既然無得去日本,咁唯有喺香港搵下日本拉麵黎食啦,得知近日一風堂Upgrade左一款人氣拉麵 - 「升級KURO」拉麵,以肥美廣島牡蠣入饌,算係對日本拉麵暫時止下渴先啦。

「升級KURO」拉麵湯底黑鼆鼆,係特製嘅黑蒜油湯底,飲落去唔會好油,蒜味唔算好重,都還可以。而就正正常常,可能小編我鍾意比較硬嘅麵,下次會叫師傅煮硬啲,反而炙燒卷腩叉燒都幾入味,唔錯。最重要嘅廣島牡蠣就真係好肥美,對碗拉麵都真係加左唔少分。

而除左拉麵之外,今次一風堂亦推出加配定食,其中呢個迷你炙燒醬油帆立貝飯加芝麻菠菜,後者小編覺得好好食,呢個真係一大驚喜,而帆立貝飯則不過不失,每一粒帆立貝都尚算嫩滑嘅。

想試嘅朋友記住早啲去,因為上面嘅拉麵及加配定食都係限時推出架,好似話12月8號就無架啦。

每日得10個名額食到咋
gourmet
【日本美食】新鮮「廣島八爪魚天丼」每日僅售10客
19 Apr 2021
如果你要喺香港開一間每位過千嘅高級餐廳,好理所當然地你就會揀開喺尖沙咀、中環、灣仔、銅鑼灣等「傳統高級餐廳地區」。但由前日本註美國領事主廚、曾為「山下」主理鐵板燒料理嘅三原光史先生就令人估唔到地,將其 ...
gourmet
【本地美食】將軍澳新開大熱餐廳 日藉主廚主理「三原鐵板燒」
08 Apr 2021