{ SKIP }
文:MenClub 魏文青  
POSTED ON 12 Nov 2020

如果你係想避免幫襯某一兩個大集團,有時出街想食粵菜或者想飲茶都真係可能揀無可揀。不過本來做開日本菜嘅Lubuds集團,近年就積極拓展不同菜色嘅餐廳,最新就有即將於又一城開幕嘅粵菜食府「望月樓」,為大家提供新嘅選擇。

望月樓主打手工粵菜,咁手工嘢就當然要有老師傅坐陣。望月樓嘅行政主廚由曾於福臨門及駿景軒任職,有三十年粵菜經驗嘅李志光師傅擔任,而點心方面,就交由來自澳門永利酒店「永利宮」、有四十年點心經驗嘅陳世輝師傅負責,兩位老師傅加埋七十年經驗,絕對非同小可。

其中李志光師傅為望月樓帶來多道手工菜,包括廣東四大名菜之一「江南百花雞」及「荔蓉香酥鴿」、「回味焗魚腸」等。「江南百花雞」製法複雜而且需時,首先要將整隻雞完整起皮,再將蝦膠釀入雞皮之內,然後上皮、風乾再用滾油淋到熟為止,當中起雞皮、打蝦膠及油溫都需要把握得非常準確,先能夠做出雞皮脆薄又包住蝦膠嘅理想效果。

「江南百花雞」(HK$1,188)

「荔蓉香酥鴿」(HK$168)

「回味焗魚腸」(HK$188)

「薑蔥肉蟹煎腸粉煲」(每兩$50)

另一邊廂,陳世輝師傅貢獻出一系列賣相矜貴、味道特別嘅點心。例如陳師傅獨創、蟹鉗肉、蝦肉、筍和蟹籽釀入水晶皮嘅「海皇百花蟹鉗餃」;步驟比起一般蘿蔔糕都仲要繁複嘅正宗潮式「灌漿蘿蔔糕」,以及「香煎黃金小米糕」、「香煎筍粿」等。

「海皇百花蟹鉗餃」(HK$58)

灌漿蘿蔔糕」(HK$58)

香煎黃金小米糕」(HK$48)

香煎筍粿」(HK$48)

望月樓

地址:九龍塘達之路80號又一城G25號舖

電話: 23378213

疫情影響之下,店鋪租金都略有下調,尤其唔係傳統旺區嘅地段租金就顯得更為吸引,結果就係開始有啲你估唔到嘅店鋪餐廳,進駐啲你估唔到嘅位置。例如來自日本、獨家供應日本小田A4和牛的「和牛燒肉一郎」,就冇揀港島 ...
gourmet
【本地餐廳】全港獨定小田和牛「「和牛燒肉一郎」進駐佐敦
23 Apr 2021
每日得10個名額食到咋
gourmet
【日本美食】新鮮「廣島八爪魚天丼」每日僅售10客
19 Apr 2021