{ SKIP }
文:MenClub 魏文青  
POSTED ON 19 Oct 2020

雖然晚市已經開返,但因為有人數限制嘅關係,所以好多人都情願約朋友上屋企食飯算。問題係,如果你唔想買料煮飯而叫外賣,咁你大多數情況都只會食到Pizza、炸雞、壽司。其實外賣都唔一定冇好嘢食嘅,甚至仲可以有米芝蓮星級法國菜食添!

法國牛油麵包焗澳洲Mayura牛柳

藍龍蝦配紹興酒及釀蕃茄

TATE Dining Room係位於上環嘅米芝蓮一星級法國餐廳,而date by TATE就係佢哋推出嘅網上美食購物平台,當中就有同樣由TATE Dining Room廚房團隊製作嘅不同菜單。例如最新嘅「秋季美食盒」($1,180/位,5位起) 就係一份三道菜嘅晚餐。第一層為四款前菜,包括「焗蔬菜片配油封蕃茄及硬豆腐」、「醉雞捲配 Aubergine魚子醬及芹萵沙律」、「鵝肝凍配菊芋忌廉及花生」、「鮑魚飯配雞肉和海帶」;第二層就係主菜,可以揀「法國牛油麵包焗澳洲Mayura牛柳配烤青蘆筍及四川牛肉汁」或者「藍龍蝦配紹興酒及釀蕃茄」;最後一層就係用上當造栗子嘅「意大利芝士餅配朱古力餅、栗子忌廉和牛奶朱古力」以及法式小甜點。

而且每份秋季美食盒都包埋招牌麵包籃、兩款餐廳精選的法國芝士、預製的martini雞尾酒配手精細的鍍銅martini杯、一套6件的黃銅製餐具等「週邊」,令你喺屋企都可以享受米芝蓮星級體驗。

網上落單後大家可以揀日子及時間送貨,但要留意嘅係唔同日子嘅送貨時間會有些少唔同,同埋係有運費嘅 (港島$200、九龍$300、新界$500),再唔係你揀自取都OK。順帶一提,食完如果你退返個盒,下次再幫襯就有$150優惠,如果你想Keep住個盒就係加$500。

資料來源:date by TATE

一人燒肉咁就唔怕交叉感染啦!
gourmet
【美食】香港首間東京一人燒肉專門店「燒肉LIKE」落戶沙田
05 Jan 2021
晚市堂食目前禁到12月24日,換言之大家聖誕基本上都冇得出街食飯。往好處諗就當然係大氣道理唔食勁貴嘅聖誕大餐,唔好處就係喺屋企都唔知食乜!如果你諗住係打個邊爐或者燒個肉呢,就可以去睇下營火食品推出嘅「皇牌 ...
gourmet
【美食】聖誕冇街出 營火食品推火鍋.燒肉禮盒
14 Dec 2020