{ SKIP }
文:MenClub 魏文青  
POSTED ON 10 Oct 2019
大家近排出街食飯都變得非常揀擇,希望揀一間食得安心又開心嘅餐廳,但如果你好鍾意食中菜嘅話,就會發現剩返嘅選擇其實唔多。近月於九龍城聯合道就開咗間甚有家常便飯感覺嘅中菜。
松子魚
蝦頭油焗大蝦伊麵
「樂活煮意」位於九龍城蔚盈軒,地下幾層其實係高級老人護理院,上面嘅服務式住宅針對嘅都係(OK有錢嘅)老人家,又或者想就近照顧老人家嘅(OK有錢)家屬,而老人家最鍾意食咩?就係家常便飯。所以店內一般提供嘅都係茶記常見嘅中西、東南亞美食,價錢方面亦算係經濟實惠。但若果你有6人或以上,就可以試下佢嘅新推出嘅「樂活私房菜」套餐。
上湯焗龍蝦
佛跳牆
最平每位$300,最貴都只係$550,但就有肉有魚有飯有湯,而且菜色用料極足,例如最貴套餐中嘅佛跳牆,真係飽參翅肚樣樣齊,仲好鬼大盅;椒鹽南非鮑外脆內軟而且乾身,上湯焗龍蝦焗到炸嘅一樣。而且可能因為預計會有老人家幫襯,所以大部份菜色都相對清淡,就算係油炸食品都不覺油膩,,幾有返屋企食飯嘅感覺。但要注意嘅係套餐份量頗多,雖然話六人起跳,但如果當中仲計埋細路、女士、老人家嘅話,我都肯定會食唔哂。 
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023