秋風起，涼涼地，除咗食蛇，我諗就係飲多幾杯保保溫（酒友常用藉口之一），以為大型啤酒節都完事了？嚟緊仲有一個，尖沙咀Marco Polo德國啤酒節。

每年嘅Marco Polo啤酒節，老例見到Erdinger個牌頭，今年都唔例外，因為同時間也是Erdinger 艾丁格十月全城啤酒節。作為德國其中一個最大型嘅酒廠，歷史超過130年，每一款啤酒均在德國生產，並遵照1516年傳統的巴伐利亞正統釀酒工法釀製，打著正宗的德國小麥啤之名征服酒友們。

今年繼續有德國Die Notenhobler樂隊，穿上慕尼黑服飾，演奏傳統德國民謠，為馬哥孛羅德國啤酒節營造濃厚的地道德國風情。每晚7時半，穿上慕尼黑服飾的樂手準時為啤酒節表演，演奏傳統德國民謠，亦會有主持多項有趣遊戲節目，包括德國傳統樂器長號角吹奏競賽、源自德國的雞仔舞及多項啤酒競飲大賽等啤酒節餘興節目多到笑。

今年，8米高的熱氣球將降落於啤酒節場內，當然有大機會成為最新的打卡熱點，不過我都專注飲多幾杯。

啤酒節會場特別推出每年只會釀造一次的限定小麥啤酒(Erdinger Oktoberfestbier)​​，仲有酒精含量低於0.5%的​低酒精小麥啤酒(Erdinger Alkoholfrei)​​，酒精度比一般啤酒低好多，如果你好怕醉先飲啦。

有德國啤，梗係都要有德國傳統美食，今年必食推介包括燒豬膝配燴紅椰菜及芝士焗薯片 ($185)，不過識得食梗係食德國腸，介紹返香煎紐倫堡式肉腸配酸椰菜及薯蓉 ($150)。

整個十月艾丁格 更聯同​11間餐廳品牌​​，包括德國餐廳 Das Bier、Beerliner、King Ludwig、The Salted Pig及Wildfire等等，​於全港​50多個地方​​推出啤酒節期間限定菜式及優惠，部份更以啤酒入饌 ，再配以艾丁格 最經典的「黑白雙煞」-​小麥白啤(​​Erdinger ​​Weissbier) 及​小麥黑啤(Erdinger Dunkel)​​。

第27屆Marco Polo德國啤酒節

日期 ：2018 年 10月 19日至 11 月 10 日

時間：晚上 6 時至 11 時（Happy Hour為每晚首一小時*）  

地點：九龍尖沙咀海港城馬哥孛羅香港酒店6樓海景露天廣場

*Happy Hour時段以八達通於會場內啤酒專櫃購買杯裝啤酒，可享「買一送一」

電話：3128 8288

入場費︰

星期日至四 - 成人$160  (包括啤酒乙杯)；小童$120  (包括汽水乙杯)

星期五及六 - 成人$280   (包括啤酒乙杯及紀念啤酒杯乙隻)；小童 $160  (包括汽水乙杯)

網上購票︰www.hkticketing.com