{ SKIP }
文:MenClub William
POSTED ON 13 Apr 2018

香港人放假,荷包同假期日數都唔容許你咁放肆,不過我覺得一世人點都要認認真真豪一次。去瑞士望住天然山景起身,再浸雪山融雪水溫泉,試埋瑞土二星名廚手勢,粗粗地寫住喺人生To Do List啦。

介紹返呢間位於瑞士阿爾卑斯山的7132酒店,酒店以當地郵政編號命名,建於阿爾卑斯山地區的瓦爾斯村(Vals)入口處,週邊環境集古老山巒、田園村落、綠山藍湖於一身,人跡罕至。酒店本身就已經是個設計典雅的建築物,由瑞士最著名的建築師Peter Zumthor所設計,著意融入週遭環境,室內則強調極簡主義,當地地標溫泉浴場亦出自他的手筆,齋看相片,都感受到走到極致,同時表現奢華的簡約。

瓦爾斯Vals 地區的天然資源,基本上只有岩石和溫泉,溫泉更加是這片淨土的亮點,懷抱雪景下泡溫泉,不是遊日的專利。唔講你唔知,上年大陸可口可樂曾經推出過Valser高端樽裝水,標明「瑞士原裝進口」,源頭就在這兒(我最初以為假嫁)。

你以身處瑞山山處就無啖好食?米芝蓮二星名廚Sven Wassmer其實在歐洲相當出名,兩年前已榮獲飲食業界的至高殊榮,亦為獲當地《瑞士Gault Millau 美食指南》評為18分(滿分為20分),他強調食材部份取自區內天然環境(環境靚食材好真係孕育好廚的絕佳條件),他更認為:「海拔1,200至2,500米之間的氣候條件相當極端,因此能在這環境生長的植物絕對是真正的超級食物!」

酒店最近推出「Silver Memories」的住宿套餐,套餐包括一晚7132酒店房間(可選豪華客房或7132建築師大樓客房)、於7132 Silver 餐廳品嘗12道菜神秘菜單(餐前供應Louis Roederer Blanc des Blancs香檳及魚子醬!)、7132溫泉浴場通行證。客人仲可以上午10時提早入住,並於下午3時延遲退房),每位CHF 555,兩位CHF 930(1瑞士法郎CHF 大概等於8.15港元)。

7132

www.7132.com



一場台灣九合一選舉,綠地變藍天,連曾說「我不會把眼光放在中國」的台灣第一麵包師吳寶春都「變節」了。
gourmet
台灣第一麵包師吳寶春進軍上海 成為「兩岸一家親」愛國之典範 ...
11 Dec 2018
英廚果然對香港有特別情感!
gourmet
2019年Bookmark定!英國米芝蓮大廚Simon Rogan 香港開2間新餐廳
10 Dec 2018