{ SKIP }
文:MenClub 魏文青  
POSTED ON 12 Apr 2017
日本偶像會出寫真集、水著寫真、甚至全裸寫真都唔係咩出奇嘅事,其實仲可以話係每一個人氣偶像必經嘅階段,所以一年都唔知有幾多本寫真上市。不過亦因為太多選擇,加上新鮮感減退,近年偶像寫真集嘅銷量已經大不如前。好似宮澤理惠17歲時(即係1991年)拍攝嘅全裸寫真集《Santa Fe》賣咗155萬本,反觀前年堪稱巨星嘅小嶋陽菜出寫真,賣到12萬本已經算係近年最好成績——不過呢個紀錄已經被打破,而打破嘅就係白石麻衣BB!!!


白石麻衣出身自AKB48嘅「官方對手」乃木坂46,本身走清純路線而且美女雲集,深受日本年輕男女喜愛。近年乃木坂嘅成員亦先後推出寫真集,其中作為主要人物之一嘅白石麻衣喺2014年尾推出嘅首本寫真《清純な大人》賣咗7.2萬本,成績已經唔錯。今年頭推出第二本寫真集《PASSPORT》銷情更進一步,首週賣出超過10萬本,打破Oricon自2008年以黎嘅最佳銷售紀錄。推出兩個內更加加印5次,目前銷量超過20萬,為2000年後首次有日本女星嘅個人寫真有如此銷量,真係堪稱本世紀最強!


至於點解咁多人買呢?我認為最主要有幾個原因。首先就係白石麻衣本身嘅人氣喺呢幾年一直上升,本身就已經累積咗一班粉絲,而且佢形象男女通殺,女Fans使錢又比較疏爽,自然多咗人買。二黎係同期冇直接競爭對手,唔怕分薄Fans嘅財力。三來一向清純嘅佢今次有突破性嘅演出,尤其早前公佈嘅「側乳」同「手Bra」照引起非常大反應,淨係「睇下仲有冇其他正嘢收埋」就已經係有力嘅購買理由啦——起碼我係因為咁所以買囉!


作為一個高瞻遠矚嘅男人,我哋當然係要放眼將來啦!如果今次轉型性感大獲好評,唔知白石麻衣會唔會喺將來個人更加成熟之時,出另一本更加性感嘅寫真呢?
早前有韓國女團成員於節目上坦承因為細個時要做練習生,所以連小學都無畢業,最高學歷僅為幼稚園。事實上,唔少偶像都為咗演藝事業放棄學業,但其實亦有人為咗學業而願意放低工作。好似今晚要介紹嘅呢位「麻倉瑞季」 ...
girls
【深夜】為學業停工一年順手減12Kg 「麻倉瑞季」絕好調回歸!
04 Aug 2025
喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025