盡收天下兵三上悠亞成「真正」AV女優

文：MenClub 魏文青　　
POSTED ON 19 Aug 2016

仲有一個月唔到，三上悠亞就會黎香港同大家見面(順帶一提，個見面會大家畀到錢、收到Paypal確認，就係留到位。其他詳情我哋遲啲會公佈)，大家有冇諗過到時要問佢啲咩問題呢？你對佢了解又有幾多呢？近日AV大廠「S1」就公佈已經簽下四個知名女優(唔係新人，係由其他廠「轉會」)，當中就包括三上悠亞。換言之三上真係、終於、正式成為「AV女優」啦！

你一定會問：唔係喎，我明明有睇過佢演嘅AV喎，佢點會依家先係AV女優呢？唔通我之前睇嗰啲係假嘅？當中嘅原因就同日本嘅AV界嘅奇怪習慣有關。之前都有講過，捧三上出道嘅廠商叫做「Muteki」，係專門發行「原藝人」作品嘅片商，例如早期嘅「山口里子」、「橘梨纱」以至「高橋しょう子」等等都係「Muteki」出道。不過「Muteki」一直都唔認自己係AV廠商，所以旗下嘅女優都唔係「AV女優」。

「Muteki」過往嘅慣常手法係出完一、兩隻出道作，就將個女優「轉會」予正式嘅AV片商，女優先算正式「AV出道」。不過唔知係咪三上呢個Case太特別，「Muteki」為佢前前後後出咗八隻作品。玩咗差唔多大半年先將佢放畀大廠「S1」。九月正式推出「AV」。

就算三上未必係你杯荼，呢個九月你都一定要望實S1嘅發片名單。因為除咗公佈三上加盟之外，「S1」仲同時宣佈上年DMM最優秀女優得主「湊莉久」、從寫真界轉戰AV，黑長直蘿莉風「辻木杏」，以及ideapocket僅存的「三希」中最高資歷者「希崎Jessica(希崎ジェシカ)」都已經加盟S1。然後當你再望真啲佢哋原本已經有神之乳「Rion」、美少女新星「橋本有菜(橋本ありな)」、老大姐「吉沢明步」、E-body轉會嘅美乳「美竹鈴(美竹すず)」。以及「小島南(小島みなみ）」、「葵」、「葵司(葵つかさ)」等等等等大物女優。真係話佢哋「盡收天下兵」都不為過！對比起之下，之前搶到「高橋しょう子」嘅Moodyz就冇咩著數啦。

講返三上轉會，呢個消息對於我哋又有咩啟示呢？首先就係作品嘅風格會有唔同。「Muteki」出嘅9隻作品雖然有唔同主題，但其實賣嘅都係第一身角度、女友感覺嘅三上。但去到S1，縱然佢哋唔係做企劃最出色嘅廠商，但比起Muteki就一定多花款好多。另外就係三上確認「AV女優」呢個身份，即係至少中期內(半年至一年)，都確定每個月會有新作。咁仲唔係大家嘅福氣？