寫真有裸體 I Cup滝沢乃南引退

文：MenClub 魏文青　　
POSTED ON 04 Jul 2016

若然你有去過日本，而又同我一樣得閒無事都鍾意走入去嗰啲門面紅色、成幢都賣AV嘅鋪頭到睇下，就會發現日本人打J都打得好有層次。因為除咗裏裏外外都睇哂嘅AV，同基本上咩都睇唔到嘅水著寫真，中間仲有「好似有露但係冇露」、「好似冇露其實有露」、「咩都露哂但又唔係AV」幾個檔次，所以就算大家都係寫真女優，其實都要分得那麼細，一個唔該搞錯咗，成個生涯就玩完啦！

講咁大埋嘢，無非係想同大家講解一單關於一位日本寫真女優嘅新聞。今年三十歲嘅I Cup寫真女優滝沢乃南近日爆出醜聞，結果版逼引退。話說佢上年年尾就出咗隻「好似有露但係冇露」嘅寫真DVD《ありがとね》。事隔半年，竟然有粉絲發現入邊有裸體鏡頭！裸體都算啦，反正都「好似有露」，都唔差嗰少少啦，但最大獲嘅係入面露嘅唔係滝沢乃南本人，而係男攝影師！

影迷發現其中一幕浸浴鏡頭之中，背景入面嘅門柱反光，照咗個裸男——係全裸男嘅攝影師出黎，於是紛紛猜測係咪傳說中嘅潛規則！事後滝沢乃南就發表聲明，指自己於2011年短暫引退嘅時候其實就結咗婚，而老公就係呢位全裸攝影師。換言之即係唔係「潛」規則，係「明」規則。不過佢都話搞到大家誤會唔好意思，為咗負責任所以會再次引退喎。

由17歲、仲讀緊中學嘅時候就發行咗第一隻寫真DVD，之後13年黎出過30隻DVD。你需知道寫真女星同AV女優一樣都係「長江後浪推前浪，前浪未到沙灘就已經會死」，所以能夠喺寫真界企到十幾年，滝沢乃南係一定有過人之處。至於個過人之處喺邊，相信大家都有眼睇啦。不過依家都引退加被私有化囉，咁就睇圖算啦。