例如，本來嘅問題係問：「你最擅長什麼？」看似一個普通題目，但問及一個女優，成件事係咪即刻好有畫面？但最後我哋得到嘅答案，係好認真嘅「最擅長」。

「我最擅長的東西是…與其說是最擅長，應該該說是我喜歡做的事。我小時候就很喜歡唱歌跳舞，而這也是我現在的工作，所以我想我最擅長的就是唱歌和跳舞吧？」

聽到三上悠亞話自己嘅工作係「唱歌跳舞」，識得笑其實幾好笑。咁就令我諗起之前去台灣訪問「劍大」一劍浣春秋嘅時候，曾經同佢講起三上悠亞呢位大物女優。當時劍大的意思係三上悠亞就係黎做天后嘅，但其志向並不僅限於此。由佢經營自己嘅方法，就可以得知佢想借女優呢個身份成為踏板，劍指大中華市場，情況就同早前嘅波多野結衣一樣。而兩者嘅其中一個共通點，就係面對海外觀眾時，都刻意淡化自己嘅女優身份。或者，呢個就係佢唔太願意回答有關女優工作問題嘅原因。