{ SKIP }
文:MenClub 魏文青  
POSTED ON 09 May 2016
NBA Playoff打到火紅火綠,籃球迷們固然場場追,唔係籃球迷都可能會跟風睇下Curry、LBJ、Wade等球星嘅球技。不過如果你真係好唔鍾意,甚至憎恨籃球,你都真係要留意籃球新聞。因為真係有好波睇--不過唔喺場內咁解啫!


如果你留意開籃球界嘅花邊新聞,或者會有印象見過一位華人女記者訪問Stephen Curry,又或者準確啲講,係記得被佢個心口撐到就黎爆嘅恤衫。呢個女記者其實係來自中國嘅Betty周玲安。大學時期嘅佢就已經被海外制作公司睇中,邀請佢去拍攝中英雙語電視劇《Adventure Girls》。之後又出演《Kung Fu Killers(功夫殺手)》同《The Man With the Iron Fists(鐵拳無敵)》等荷里活電影(不過我估應該都冇咩香港人會睇過…),之後就去咗新加坡拍電視劇,仲做過新加坡版《FHM》嘅百大美女添!


2011年回流中國之後,因為英文好同曾經多年於海外生活,所以就成為好多國際品牌嘅御用活動主持人,其中就包括多名NBA球星嘅見面會。2013年正式擔任新浪《聲色NBA》主持,開始為華人大眾所熟悉。之後更加受NBA邀請去現場採訪13-14年總決賽。14年成為NBA官方節目《NBA密探》嘅主持,同年明星賽再次受邀採訪,成為採訪過最多NBA球星嘅中國女主播。


近年Betty就開始轉型幕後擔任製作人,包括自己主持埋嘅《玲安對話好萊塢》,亦因為咁而同多位電影明星有交情,2015年受邀參加奧斯卡紅地毯。自學韓文嘅佢仲連「Big Bang」同Rain見面會都撈埋!


OKOK,我知你哋入黎都係睇相,上面嗰幾段字你哋可能睇都冇睇過。不過唔緊要,時間關係我準備咗個總結過你--呢條女,係一個唔單止識波、好波,仲係一個精通N國語言、同N個巨星見過面嘅著名主持人黎!即係「白」就唔「白」架啦,「富美」就應該走唔甩啦。

bettyzhou on instagram

Betty Zhou 周玲安 on facebook

Betty周玲安 on Weibo


大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025