{ SKIP }
文:MenClub 魏文青  
POSTED ON 11 Feb 2016

家陣做男人,其實係幾辛苦。唔係因為啲女人要求你有錢風趣細心專一肯陪佢識睇地圖識整水喉電腦愛佢愛埋佢屋企之餘都仲要有時返份正常工,而係因為睇得太多韓劇嘅佢哋會好希望自己條仔(係你啦唔好四圍望)可以有一米九幾同時又有廣闊嘅胸襟、鐳射大炮咁嘅膊頭以及粒粒分明嘅腹肌,淨係米九幾都玩死你呀?相反黎講,男人就好少要求女仔會有六舊腹肌--但唔代表我哋唔鍾意喎!例如AKB48元老級人馬峯岸南近日就因為接咗個健身廣告而練出六舊腹肌!成個人即刻性感哂!



圖片:Oricon Style


講真,大家對於みなみ嘅印象,除咗佢係AKB碩果僅存嘅第一期生之一(另一個係小嵨陽菜)之外,大概就係當年因為傳緋聞而剃頭。就算再退一百步,要數AKB入面身材好嘅點都唔會數到一向圓碌碌嘅佢!但今次接拍Rizap嘅廣告,就由上年11月生日開始,用咗兩個月時間減咗5kg。原本個都唔算小嘅肚腩練成六舊腹肌加兩條馬甲線,大腿線條Firm咗之餘手瓜仲起埋輾!真係從未見過みなみ咁(接近)性感呀!


修練成功嘅みなみ,早於上月中就已經幫《Young Magazine》影咗輯寫真,近日Rizap方面又公佈多兩條新廣告,睇住みなみ係咁扭條腰就真係幾吸引嘅,但又容許我講一句,佢塊面瘦咗之後好似…呃…同埋個本身就冇咩嘢嘅心口…呃…嗯…係囉…

圖片:JANじゅりまゆ on Twitter




大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025