{ SKIP }
文:MenClub 魏文青  
POSTED ON 25 Jan 2016
「馬來亞春色」呢個系列,文青開咗個頭,竟然冇繼續寫第二篇…實在係我唔啱!所以我特登又搵下有咩馬來西亞美女可以介紹比大家。然後就比我發現,原來有一個,我老早就同大家提過個名,但係又冇詳細介紹過--佢就係有「檳城之花」嘅馬來西亞女歌手翁依玲(Diorlynn)!

左邊係何戀慈,右邊就係翁依玲啦


點解話我一早就提過佢個名?事關上次我介紹同樣黎自馬拉嘅「何戀慈」嘅時候,曾經講過一套「女女」微電影「Abandoned」,而嗰「女女」嘅另一個女,就係翁依玲啦!佢係成為歌手之前,其實就一個模特兒黎,仲曾經參加過N個大大小小嘅選美比賽,仲曾經拎過好幾個冠軍,之後就有出演MV、短片、廣告,以及各大雜誌嘅封面模特兒等等。轉職成為歌手之後仲曾經被香港報紙報導過--因為佢出咗隻歌叫做《我好天真我好傻》,抽邊個水好明顯啦下話?


叫得做「檳城之花」,翁依玲就應該係個靚女黎嘅。不過睇返近年關於佢嘅報導,就似乎唔太正面。除咗有網民指佢個樣有後天加功之嫌,更有「拋棄糟糠」嘅罪名。話說翁依玲一直有一個拍咗拖七年嘅男友「黑皮哥大澀Ken」,但自從佢上年年頭與同公司嘅男藝人「Mr.達人」黃勁達拍過《我好天真我好傻》嘅MV之後,佢兩個就經常Post出親密照,繼而傳出緋聞。之後翁依玲宣佈與男友分手,到九月尾就公開與Mr.達人已經拍咗拖幾個月,屈指一算就即係嗰頭分手嗰頭就拍拖。


所謂家家有本難唸的經,件事係咪如某大馬網民所講「有綠光」,我哋呢啲外國人就無從判斷架啦!不過我又必須承認,見到佢哋成日放閃光彈又的確令人幾頂氣嘅!

Ong Yi Lin on facebook

Diorlynn on instagram


由於參加、或者拎到獎就注定會於未來一段時間頻頻登上該雜誌,所以日本各大出版社舉行嘅寫真選美比賽素來寫真新人爭取曝光嘅大好機會,特別係幾大出版社主辦嘅比賽更係兵家必爭之地。但其實就算冇咁出名嘅比賽,都一 ...
girls
【深夜】四代目Miss SPA! 肉感艷麗「吉瀬結」
09 Jul 2025
唔少人追星嘅最終目標,就係追到可以同偶像有私下交情。不過對於偶像本人而言,一旦打破「偶像」與「Fans」之間嘅界線,好多時都意味住演藝事業嚴重受挫。好似今晚要同大家介紹嘅呢位「石井優希」咁,就曾經因為與Fa ...
girls
【深夜】犯下偶像天條與Fans私交 無阻「石井優希」寫真發展
07 Jul 2025