揚州新景點飯堂女神「李孌」

文：MenClub 魏文青　　
POSTED ON 12 Nov 2015

揚州，除咗出名有揚州炒飯之外，你對佢仲有咩認識？如果要你去揚州旅行，你又咩景點想睇？本來我就想睇嗰個傳說中破哂紀錄嘅4噸揚州炒飯嘅，可惜個炒飯已經畀人送咗去餵豬，仲連個紀錄都無埋。唔緊要，仲有另一個同飯有關嘅景點－－就係近期紅到去日本嘅「飯堂女神」李孌！

話說11月頭嘅時候有人發現呢位喺揚州大學飯堂做兼職嘅美女，於是將佢上載自微博，好快就引起學生們注意，相關微博嘅瀏覽量超過30萬，更有好多學生幕名去到飯堂一窺女神嘅真面貌。據兩岸媒體報導，呢個女仔真名叫做「李娈(正體字應為「孌」)」，其實都係揚州大學嘅學生，目前就讀大學二年級。大約喺一個星期前(即大約10月尾)先開始喺食堂「張姐烤肉飯」做兼職，每日中午同夜晚幫手賣飯。點知做咗冇幾日就成為網絡紅人。

而根據新浪江蘇嘅報導，女神話佢其實只係想打下工幫補家計、體驗生活，自己其實好普通，希望可以好好地做兼職同讀書就算，唔想被打擾喎。我睇就有啲難啦，因為佢已經紅到去日本揭示版！相信好快就會有土豪搵上門啦！搵上門做咩？炒飯囉？好明顯啦？
食堂女神 on 微博