最後一塊併圖超真CG日本妹「 Saya」

文：MenClub 魏文青　　
POSTED ON 14 Oct 2015

今晚嘅「文青深夜系列」，文青唔同你哋講女，同大家講下將來！先黎睇睇以下呢張圖先。

OKOK，講將來都係關女事嘅！呢個近期喺日本好紅嘅女高中生，叫做「Saya」，佢爸爸媽媽叫石川晃之同友香(Ishikawa Teruyuki同Yuka)，出世日子不明，但係肯定唔會耐得去邊，因為佢出名嘅原因係佢根．本．唔．係．人！

咁佢當然亦唔係鬼，而係石川夫婦製作出黎嘅CG人像！其實石川夫婦係日本嘅CG製作人，平時多數以Freelance形式接受日本以至海外嘅工０作，而「Saya」就係佢哋喺空餘時間製作出黎嘅成品。佢哋黎緊仲會帶埋Saya出席11月舉行嘅CG業界中盛事「CGWORLD 2015」，分享點樣製作超像真CG人像。屆時Saya仲會「出演」一段動畫，由靜態變成動態！
石川夫婦嘅其他作品
你可能會話：CG咪CG囉，有咩咁特別啫？係，就咁CG的確係冇咩特別，但如果諗下目前日漸成熟嘅VR(Virtual Reality)技術、本身就已經好真嘅「人造乙女」、再加越黎越先進嘅「互動式自我安慰技術」，配合埋呢個超像真CG，仲唔係全方位滿足「獨男們」(唔使望啦，係你呀)嘅身心靈需要？最後一塊併圖都出現埋，快啲搵人砌埋佢哋一齊啦！
Yuka on Twitter Telyuka