{ SKIP }
文:MenClub 魏文青  
POSTED ON 10 Oct 2015
好多人話「刻板印象(Stereotype)」係唔好嘅事,但事實上Stereotype呢家嘢同香港某電視台一樣係「永遠都存在~~~」嘅。就好似唔同國家嘅女仔咁,「港女」你哋會話拜金、「日本妹」你哋會問人幾時下海、「韓妹」你會話係人造人、「北方佳麗」你就話人塑化劑,泰國就直頭好似冇女人咁添!唯二兩個會令大家即刻諗到真係靚嘅,除咗台灣,恐怕就係越南啦!

Elly 大家都記憶猶新啦?


如果話上面呢位Elly係越南嘅好身材代表,咁接近兩年之前冒起嘅「Kha Ngan」恐怕就係甜美嘅佼佼者。呢位1997年出世嘅18歲模特兒全名「Trần Thị Kim Ngân」,Google翻譯就話佢叫「陳氏金顏」。3歲就識游水嘅佢自小就熱愛運動,當初之所以會爆紅,就係因為有以下呢組打拳嘅靚相畀人Post咗上網。


女仔打Boxing本身就已經少見,靚女打Boxing就更加係難能可貴,靚到Kha Ngan呢個級數就直頭係絕無僅有!睇返佢個Facebook嘅個人介紹,除咗拳擊同游水之外,佢仲有玩泰拳、籃球、排球、Aerobic,可想而知佢有幾咁鍾意運動!而且佢唔係嗰啲戴起個拳套求其打幾嘢就Post上網呃Like嘅虛偽之人,就憑佢自己個(成年冇更新過嘅)Youtube Channel上面啲片,你就知道佢打起上黎真係有板有眼啪啪聲!


不過佢嘅最強武器,就一定係佢個笑容啦!見到佢對住你笑仲唔成身軟哂…定硬哂?


自從喺網絡爆紅之後,Kha Ngan就成為越南嘅演員、模特兒,多次出現喺越南嘅青少年雜誌同電視上面。有人仲話佢同2012年越南小姐「Đặng Thu Thảo」有幾分相似添!不過話哂都過咗兩年時間,佢已經由一個16歲嘅少女變成一個18歲嘅…呃…少女,反正就係少咗啲Baby fat,又多咗幾分女人味啦!


係咪越睇越鍾意呢?係咪好想飛去越南尋找你嘅春天呢?係咪突然好明白咩叫「無懼世事變改 還是越南越愛呢」!

Kha Ngan on facebook

Kha Ngan on Instagram


大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025